Aramaio ere murgiltzear da Aratusteetan. Herritarrek zapatuan, hilak 14, ospatuko dute; egun osorako egitaraua prestatu dute Aramaixo Tropikaleko Gazte Asanbladak (ATGA), Trikitixa Eskolak eta Udalak elkarlanean. Herri bazkarirako txartelak salgai daude herriko tabernetan, zortzi eurotan. Era berean, umeendako egun handia otsailaren 17koa izango da. Izan ere, ludotekan fantasiazko txano tailerra eta kamiseta margotzeko ikastaroa antolatu dituzte, besteak beste.
Otsailaren 14rako Gazte Asanbladak antolatu duen egitaraua:
12:00 Poteoa Bizente Goikoetxea plazatik
14:30 Herri bazkaria eskolako gimnasioan. Txartelak salgai daude herriko tabernetan, zortzi eurotan.
17:00 Kalejira herriko trikitilariek girotuta, kiroldegitik.
18:00 Mozorro lehiaketa. Ondoren, txokolate beroa eta umeendako tailerra.
Otsailaren 17ko egitaraua:
17:00 Fantasiazko txano tailerra eta kamiseta margotzeko ikastaroa ludotekan. 5 urtetik beherakoak heldu batekin joan beharko dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.