Ekaineko giza katearen eta azaroko mosaikoaren ondoren, Erabakia ehuntzen izeneko dinamika jarri du martxan Gure Esku Dagok. Aramaion atzo aurkeztu zuten "desberdinen arteko borondatea jostea" helburu duen egitasmoa, eta herritarrei parte hartzeko deia luzatu zieten. Konfiantza eremuak sortuz, iritziak eta ideiak trukatu eta jostea izango da aurrerantzean antolatuko diren ekintzen asmoa.
Metaforak alde batera utzita, egitasmoan parte harzten duen pertsona bakoitzak oihal zati bat izango du, eta horiek elkarri josiz ehun handi bat osatzea izango da azken helburua. Ekainaren 20an Erabakia ehuntzen eguna izango da, eta horra begira, herri bakoitzean bildutako oihal zatiak apirilaren 25ean batuko dituzte. Azkenik, uda hasieran, ekimenak hiriburuetara egingo du salto, eta bertan, hautetsontzi erraldoi batzuk osatuko dituzte oihal zati horiekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.