Askotariko lanak egiteko bi peoi kontratatuko ditu Udalak

Aramaioko Udalak bi peoi kontratatu behar ditu laster, hiru hilabeteko iraupenarekin eta lanaldi erdian. Askotariko lanak egin beharko dituzte bi langile horiek: espazio publikoen eta espazio berdeen mantenu eta egokitzapena egiteko lanak burutzea, eraikuntza, lorezaintza eta antzeko lanak. 

Hautaketa, Lanbide enplegu zerbitzuan peoi orokorra kategorian izena emanda dauden pertsonen artean egingo da, ondoko kolektibo hauetan badaude:
− Diru sarrerak bermatzeko errentaren (DBE) jasotzaileak diren pertsonak.
− 35 urteko edo gutxiagoko pertsonak.
− 45 urte baino gehiago izan eta lan-eskatzaile moduan gutxienez sei hilabete daramatzatenak.
− Denbora luzean lan gabe dauden pertsonak (kontratazioaren aurreko 18 hiletan 12 hilabetez izena emanda izan direnak).
− Gizarte bazterketa arriskuan daudenak.
− Ezintasunak dituzten pertsonak.
− Familia-ardurak dituzten emakumeak (haien kargura ezkontidea edota 26 urtetik beherako sema-alabak, adin horretatik gorako ezinduak edo harreran hartutako adingabeak dituztenak) eta genero-indarkeriaren biktima izan diren emakumeak.

Izena eman beharko da Lanbiden. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.