Domekan, mezaren ostean, Bizente Goikoetxea abesbatzak Gabonetako kontzertua eskainiko du –hilaren 23an Arrasaten abestuko dute, Musakolako Hiper Eroskin (18:00)–.
Olentzeroren ohiko etorrera
Abenduaren 24an etorriko da ikazkin maitatuena; menditik jaitsi eta frontoitik agertuko da Olentzero, 18:00ak aldera. Guraso elkarteak antolatu du harrera aurten ere; traktorean jaitsiko da Bizente Goikoetxea plazaraino, trikiti doinuek eta eskolako ikasleen argi-zuziek lagunduta. Amaieran, Sastiñan banan-banan hartuko ditu haurrak. Guraso elkartekoek 80 kilo gaztaina erreko dituzte plazan bertan.
Bestalde, hilaren 26rako antolatu dute Bertso Eskolakoek Gabonetako bertso saioa. Beñat Gaztelumendi, Aitor Mendiluze, Alaia Martin eta Xabi Igoa arituko dira bertsotan, Sabin Aranburuk eta Paula Amilburuk jarritako gaiei erantzuten: "Udalaren eta Bertso Eskolaren harreman ona baliatuz, saio txukun bat antolatu dugu. Guretako urteko ekitaldi garrantzitsuenetakoa da, herrian oihartzun handiena izaten duena. Beraz, mimoz antolatzen dugu. Herritarrentzako puntako bertsolariak ikusteko aukeratzat dugu saioa", adierazi dute antolatzaileek.
Gazte Asanbladaren erakusketa
Abenduaren 26an ere, hain justu, beteko ditu hamar urte Gazte Asanbladak. Urteurrena ospatzeko egitarau berezia antolatu dute: Sastiñan ekitaldia egingo dute, "sorpresa" eta guzti (19:00). Sastiñan bertan hamar urteotako argazkiak jarriko dituzte ikusgai.
Gabonetako egitaraua
Abenduak 19-20
19:00 Argazki erakusketa Sastiñan, Alex Mendikuteren eskutik.
Abenduak 21
Meza ostean Bizente Goikoetxea abesbatzaren “Gabonetako kontzertua”, San Martin elizan.
Abenduak 22
12:00 Umeendako sukaldaritza tailerra erretiratuen lokalean.
17:00 Gabonetako karaokea kiroldegian.
Abenduak 23
12:00 Umeendako sukaldaritza tailerra erretiratuen lokalean.
17:00 eta 18:30 Panpin panpox ipuin kontalaria; 2-6 urte artekoak eta 7 urtetik gorakoak.
Abenduak 24
18:00 Olentzeroren etorrera.
Abenduak 26
12:00 Umeendako sukaldaritza tailerra erretiratuen lokalean. Izena eman behar da ludotekan abenduaren 19a baino lehen.
17:00 Eriz magoa kultura etxean: Emozioen magia.
19:00 Gazte Asanbladak 10 urte: aurkezpen ekitaldia Sastiñan.
22:30 Gabonetako bertso saioa kultura etxean.
Abenduak 30
09:15 Bilboko PINera. Itzulera, 18:00ak aldera.
Urtarrilak 1
00:30 Topa goiko tabernetan, Gazte Asanbladak antolatuta.
Goizean zehar Urteari ongi etorria emateko irteera Orixolera.
Urtarrilak 2
12:00-14:00 eta 16.30-19:30: Umeendako jolas parkea kiroldegian.