Jon Ander Beristainek 'slackline' diziplina zer den erakutsiko du gaur Aramaioko Sastiñan

Filma iragartzeko irudietako bat.

Orixol elkartetik urtero antolatzen du bideo emanaldiren bat Gabonen bueltan. Alex Txikon ekarri zuten iaz, esaterako. Aurten, zuzendaritzakoak berriak izan arren, ohiturari eutsiko diote: Jon Ander Beristain alpinista eta zuzendaria gonbidatu dute, bere High Over Todra izeneko azken dokumentala aurkez dezan. Gaur izango da, hilak 28, Sastiñan (19:00). 

Beristainek slackline deritzon diziplina erakutsiko du; bi hitzetan esateko, mendian jarduten diren funanbulistak dira protagonistak, hau da, soka baten gainean amildegira erori barik oreka mantentzeko gai diren adituak. Marokoko Todra deritzon zonaldean kokatzen da dokumentala. Sarrera doakoa izango da. 

Galderak egiteko aukera

Orixol elkarteko zuzendaritza talde berriko kide baten klasean ibilitakoa da Beristain, eta haren bidez ekarri dute. Beristainen arabera, emanaldiak eta aurkezpenak ordubete iraungo du eta galderak egiteko aukera egongo da. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.