San Martin Eguna dela-eta, trikiti doinuak gaur Aramaion

San Martin jaiak uztailean ospatu arren, herriko zaindariaren eguna ez da oharkabean pasako Aramaion. Gaur, egubakoitza, Trikikalejira taldeak urteroko ospakizuna egingo du: kalejira 18:30ean hasita eta 19:30etik aurrera txistorra-jana egongo da Bizente Goikoetxea plazan. Amaitzeko, 20:30ean, zozketa egingo da Trikikalejira taldearen alde; hiru sari banatuko dituzte: aste bukaera baterako egonaldia nekazal etxe baten, urdaiazpiko bat eta gazta bat: "Etor zaitezte denok txistorra eta gazta dastatuaz txartelak erosi eta paregabeko atsalde ilunkara bat pasatzera!", adierazi du taldeko presidente Iñaki Isazelaiak.