Elkartea osasunez "oso ondo" dagoela argitu dute: "Hala ere, elkarteak ondo segi dezan aurrekoek egindako lanari jarraipena emango diogu. 200 bazkidetik gertu gaude eta jende berria erakartzea izango da gure helburuetako bat".
Hainbat ekintza urtean zehar
Ekintza hauek antolatzen ditu elkarteak urtean zehar: urtarrilaren 1ean Orixol mendira irteera eta txotxa gailurrean, Aitor Aranaren omenezko mendi martxa, otsail inguruko eski irteera eta asteburu osoko mendi irteera bat. Oraingoz, ez dute ekintza berririk antolatzea aurreikusten: "Gure helburua da urteroko planari heltzea, eta, behin hori eginda, ikusiko dugu etorkizunean beste ekintza berririk sartu". Azkenik, lagundu gura duenarendako ateak "erabat zabalik" dituztela gogoratu dute.
