Gaur hasiko da gripearen aurkako txertaketa-kanpaina, baita Aramaion ere. Herriko kontsultategiko profesionalek jakinarazi dutenez, aurreko urteetan moduan 65 urtetik gorako guztiendako izango da, eta baita gaixotasun kronikoren bat duten 65 urtetik beherakoendako ere. Gaixotasun kroniko horien artean daude, besteak beste, diabetesa edo bihotzeko, biriketako eta giltzurrunetako gaixotasunen bat duten guztiak.
Txertoa hartu gura duten aramaioarrek kontsultategira joateko aukera izango dute, astelehenetik egubakoitzera. Goizez joan beharko dira, 09:00etatik 13:00etara.
Ezinduek etxean bertan
Era berean, Osakidetzak aditzera eman duenez, etxean dauden ezinduak euren mediku edo erizainarekin harremanetan jar daitezke txertoa etxean bertan hartzeko.
Gainera, 65 urtetik gorakoak zuzenean joan ahalko dira txertoa hartzera, bolanterik gabe.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.