Orain arteko iraileko egubakoitzak musikatu dituzten gainerako taldeen antzera, gaur ere goi mailako musika talde batek joko du Sastiñan. Algortako West Bluegrass Band dator, eskarmentu handiko musikariez osatutako taldea. Sastiñan izango da kontzertua, 20:00etan.
Sokazko instrumentuak dituzte oinarri: gitarra, banjo, mandolina zein kontrabaxua maisuki erabiltzen dute eta country bluegrass doinuekin ikuslea harrapatzeko gai dira. Laukote moduan etorriko dira Sastiñara; Agustin Zubiaga, Carlos Gomez, Jose Gutierrez eta Javier Garcia dira.
Aire libreko hainbat kontzertu eta jaialditan hartu izan dute parte eta gaur Bizente Goikoetxea plaza girotzen saiatuko dira, 20:00etan hasita.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.