Four Friends 1999ko azaroan sortutako taldea da, eta Deustuko Mr. Jam musika zentroa da taldearen abiapuntua. Egiten duten musikak hainbat esparru jorratzen ditu; swinga eta jazza nagusi badira ere, euren ibilbidean zehar erakutsi dute beste estilo klasiko batzuetara ere irekiak daudela: bluesa, bossa nova, funkya, rockabillya eta popa, esaterako.
Beste bi kontzertu oraindik
Datorren egubakoitzean, hilak 19, Tolosako The Romanticos taldeak joko du Sastiñan; blues eta swing doinuak eskainiko dituzte. Irailaren 26an, amaitzeko, Algortako Wets Bluegrass Band taldeak joko du.