Aurten ere parte-hartze prozesu baten ostean antolatu dira San Martinak. Jai batzorderik barik oso zaila izango litzateke haur, gazte zein helduendako jai-egitarau bat prestatzea eta horregatik aurten ere Udalak eskerrak eman gura dizkie festok antolatzeko lanean aritu diren norbanako zein taldeei. Jai batzordearen arabera, hainbat izan dira ekarpena egin duten elkarteak: "Urtean zehar egiten duten lanaz aparte, euren ekarpena egin diete jaiei, festoi kolore gehiago emanez eta herrikoiagoak bihurtuz".
Triki Kalejira taldeari keinua
Aurten Triki Kalejira taldea omendu gura izan dute: "Urteko beste egunetan ere kolorea eta doinua jarri duen, jartzen duen eta jarriko duen taldea omendu gura izan dugu. Urteotan jende asko pasa da Triki Kalejira taldetik eta oraindik osasuntsu eta indartsu jarraitzen dute. Eskerrik asko eta zorionak guztiei!".