'Aulki Hutsak' heriotzaren inguruko dokumentala eguaztenean Aramaion

Eguazten honetan, maiatzaren 14an, 'Aulki Hutsak' dokumentala emango dute Aramaioko Kultura Etxean, 19:00etan. 'Aulki Hutsak', heriotza eta dolu prozesuari buruzko dokumentala da, Iñaki Peña medikuak eta Arteman Komunikazioak koprodukzioak egindakoa. Heriotzaren inguruko sentimenduak (mina, hutsunea, haserrea…) hari bihurtu eta heriotza familian edo lagun artean bizi izan duten pertsonak elkarrizketatu dituzte ikus-entzunezkoa egiteko, baita arlo horretako profesionalak diren hainbat lagun ere. Dolu prozesua nolakoa den eta heriotzak utzitakoa nola gainditu daitekeen erakusten da, beraz. Dokumentalaren iraupena 57 minutukoa da eta euskaraz, gaztelaniaz eta ingelesez ikus daiteke. Horrez gain, gaztelaniako azpitituluak eska daitezke.