Basurde arrastoa jarraitzen duten txakurren lurraldeko txapelketa egin zen maiatzaren 3an Izarran, Araban. Bertan, Aramaioko Aitor Unamuno eta bere txakur 'Braulio' izan ziren garaile.
Hasieran, txapelketan 25 txakurrek soilik har zezaketen parte, baina ekitaldiak izandako arrakastaren ondorioz, antolatzaileek 29 txakurrek izen emateko aukera luzatu zuten. Bigarren postua David Ondicol eta Yeska txakurrarentzat izan zen eta hirugarrena Gorka Juaristi eta bere txakur Jairentzat. Horiek, jarraian Euskadiko txapelketara igaroko dira, aurten Orduñan ospatuko dena.
