Aurten laugarren aldiz jarraian guraso elkarteak patinaje ikastaroa antolatu du, 3 urtetik hasita Lehen Hezkuntzako 6. mailako ikasleetara arte. Guraso talde bat ere parte hartzen ari da: "Aurten inoiz baino arrakastatsuagoa ari da izaten, 84 lagunek eman dugu-eta izena lau taldetan banatuta", diote.
Lau domeketan elkartuko dira, martxo osoan zehar. Joan den domekan bigarren saioa egin zuten eta apirilaren 6an Gasteizko izotz pistara egingo dute irteera, urtero legez.
Hanka Labankakoen laguntza
Irakasleak Agustin Oiarbide eta eskolako ikasle ohiak dira. Izan ere, aurten Bergarako Hanka Labankako partaide batzuen laguntza jaso dute. Jarraian dituzue bigarren saioko zenbait argazki.
