Itur-Zuri elkartekoen Emakume Astea gaur hasiko da, bingo afariarekin. 19:30ean hasiko da bingoa eta 21:00etan, berriz, afaria. Bihar La maquina del dueño antzezlana ikusteko aukera egongo da kultura etxean (19:30) eta hilaren 9an, Donostiako Lilatoia lasterketan parte hartuko dute. Hilaren 11n bideo-kafe saioa egingo dute kultura etxean (19:00), Criadas y señoras pelikularekin. Emakume Astearekin amaitzeko, martxoaren 12an, herriko Sustrai taldeak kontzertua eskainiko du Sastiñan (19:00). Ondoren luncha egongo da.
Bestalde, hilaren 11n Udalak deitutako kartel lehiaketako irabazleen berri emateko ekitaldia egingo dute kultura etxean (18:00). Horrekin batera, herriko lehen Berdintasun Plana aurkeztuko dute.