Era berean, Ajuriak aurten ze prozedura jarraituko duten ere azaldu zuen: Orain zirriborro bat dugu eta helarazi diogu oposizioari. Laster auzoz auzo joango gara azalpenak ematen eta gero herri batzarra egingo da. Ogasun batzordetik pasa ostean osokoa egingo dugu martxo hasieran".
Garoñaren aurka, aho batez
Bestalde, mozioak izan ziren protagonista. Horien artean, EAJk Garoñako zentral nuklearra "behin betiko" itxi eta eraisteko mozioa: "Garoñaren behin betiko itxiera finkatu gura dugu. Itxiera onartuta dagoen arren, PPren Gobernua modu nahasgarrian ari da lanean berriro zabaltzeko eta hori ez dugu onartuko. Berriro martxan ez dela jarriko ziurtatu gura dugu", adierazi zuen EAJko zinegotzi Iñaki Nafarratek. Jeltzaleek egindako eskaerei beste bat gehitu zien Bilduk, herritarrak Garoñaren irekieraren kontra egingo diren mobilizazioetan parte hartzera deituz. Amaieran, aho baten onartu zen.