Haurren dietaren gaineko hitzaldia: eskola jangelen eredu ezberdinak

San Martin eskolako guraso elkarteak antolatuta, haurren dieta eta eskola jangelen eredu ezberdinak landuko dituzte hitzaldi batean: "Zure seme-alabek jaten dutena garrantzitsua dela iruditzen zaizu? Bada, bilera bat egitea erabaki dugu jantokiko kudeaketa aztertzeko, beste herrietan daudenak ezagutu eta Aramaion zer egin genezakeen aztertzeko", diote deialdian. Horrez gain, Larrabetzuko jangelaren esperientzia kontatu eta Orduñako Udal sukaldearen proiektua azalduko dute.