"Euskal ikurra izanda, ikurrinak kohesioa eta batasuna adierazten du Euskal Herrian eta horixe da helburua Aramaion ere. Ikurrina, gurea delako". Hitz horiek izan zituen, besteak beste, Ramon Ajuria alkateak domekan, ikurrinari egin zitzaion omenaldian. Euskal ikurra jasotzeko orduan Ajuriak Julian Untzuetaren lekua hartu zuen –Untzuetak lehenengoz jarri zuen balkoian 1977ko urtarrilean–, azken orduan kale egin zuelako. Ajuriaren ondoan egon zen Jose Ramon Uribe alkate ohia –egun zinegotzia da–, 1994an igo zuela gogoratzeko: "Gogoan izan nahi ditugu historian zehar herrian gertatu diren bi ekintza garrantzitsu".
Ikurrinari omenaldia egitea herri batzarretan adostu zen, Madrilgo Gobernuak Espainiako bandera jartzeko "inposaketaren" aurrean. Erabaki horren aurrean hartutako beste erabaki bat izan da herriko nazionalitate guztietako banderak ere jartzea udaletxean.
Arrazoi bera tarteko, ikurrinari omenaldia egin zioten domekan Oñatin ere.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.