Bestalde, ekintza aipagarrienak San Martin eskolak antolatu ditu. Abenduaren 2an magia saioa egongo da Eriz magoaren eskutik, Kultur etxean (14:30). Ikuskizunaren ostean, guraso elkarteak txokolate-jana prestatu du (16:00). Abenduaren 3rako, berriz, hainbat ekintza antolatu dituzte: pegatinak banatuko dituzte (09:00), Ongi etorri San Martin eskolara abesti ofiziala abestu eta dantzatuko dute (10:40), bertsoak abestuko dituzte Euskaraz bizi nahi dut kantuaren doinua oinarri hartuta (11:00) eta amaitzeko, Euskaraz bizi nahi dut abestia bera dantzatu eta kantatuko dute (11:30).
Euskararen Egunaren harira, adierazpen instituzionala onartu zuen atzo Udalak osoko bilkuran. Aramaion euskara nagusi denez, hizkuntza politika "ausart eta aurrerakoiak" garatzeko baldintzak daudela dio idatziak: "Udalerri euskaldunok lege babesa eta baliabideak behar ditugu aurrerapauso sendoak eman ahal izateko". Era berean, Udalak, "herriko eragile eta norbanakoekin elkarlanean", euskararen aldeko lanean jarraitzeko "konpromisoa" hartzen du. Bestalde, San Martin eskolan hainbat ekintza antolatu dituzte abenduaren 3aren bueltan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak