Ibilgailuen gaineko zerga %1,9 igotzea onartu zuen Aramaioko udalbatzak aho batez

Jokin Bereziartua Lizarazu 2013ko aza. 11a, 13:31

Ordenantza fiskalak izan ziren joan den egueneko osoko bilkuran mahai gainean izan ziren gai garrantzitsuenak. Oraindik ez da herritarrari gehien eragiten dioten zergen gainean –ura eta estolderia, zaborra, zirkulazioa...– eztabaidarik eman, ez delako gai zerrendan sartu. Besteak beste, ibilgailuen gaineko zergaren gainean %1,9ko igoera aplikatzea erabaki zuten aho batez. KPIaren araberakoa da igoera hori. Horrez gain, beste zenbait zerga izoztea erabaki zuten: ondasun higiezinen gaineko zerga, jarduera ekonomikoaren gainekoa eta eraikuntza zein obren gainekoa, besteak beste.

Fagor Etxetresnen porrota ere izan zuten hizpide osoko bilkuran. EAJko Iñaki Nafarrate eta Bilduko izan Andoni Solupe ezik, gainerako zinegotzi guztiak egon ziren osokoan eta horiek guztiek aldeko botoa eman zioten adierazpen instituzionalari. Hala, Udalak bat egiten du ofizialki kooperatibismoaren oinarrian egon diren elkartasun printzipioekin: "Udalak konfiantza osoa du oraingoan ere printzipio horiek aplikatuko direla, egoera larri honi irteera emateko eta ahalik eta lanpostu gehien bermatzeko". Ramon Ajuria alkateak eguenean adierazi zuen Etxetresnen auziari "ikuspegi orokor" batetik egin behar zaiola aurre.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak