Txirritola elkarteak antolatuta, Txirripartxis lehiaketaren 14. edizioa ospatuko dute domekan

Txirritola euskara elkartearen eskutik Txirripartxis lehiaketaren 14. edizioa ospatuko da domekan, hilak 10, udaletxeko osoko bilkuren aretoan. 6 urtetik 14 urtera artekoak 16:00etan hasiko dira eta 15 urtetik gorakoak, berriz, 17:30ean. Sariak ere adinaren arabera banatuko dira: 6 urtetik 14 urtera artekoetan lehenak 30 euroko txartela jasoko du eta bigarrenak, berriz, 20 eurokoa. 15 urtetik gorakoetan, ordea, lau onenak sarituko dituzte: 50 euroko txartela, 40 eurokoa, 30 eurokoa eta 20 eurokoa jasoko dute lehen lau sailkatuek, hurrenez hurren.