Gaurko deituta zegoen osoko bilkura azaroaren 7an egingo da, 18:30ean. Honela azaldu dute erabakia: "Aramaioko Udalak bat egiten du Fagor Etxetresnak kooperatibak bizi duen egoerarekin eta gaurko deituta dagoen manifestazioari babesa ematen dio. Hori dela eta, gaurko aurreikusita zegoen osoko bilkura datorren astera atzeratuko da".
Fagor Etxetresnen egoerak eragin zuzena du Aramaion ere. Datu esanguratsu bat da 62 bazkide aramaioar dituela kinka larrian dagoen kooperatibak. Gaur Arrasaten manifestazioa deituta dagoela jakinda, Udalak osoko bilkura azaroaren 7ra atzeratzea erabaki du. Fagor Etxetresnetako langileei elkartasuna adierazi gura diete, izan ere, bat egiten dute mugimendu kooperatiboaren oinarrian egon diren elkartasun printzipioekin: "Udalak konfiantza osoa du oraingoan ere printzipio horiek aplikatuko direla, egoera larri honi irteera emateko eta ahalik eta lanpostu gehien bermatzeko".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak