Manex Agirre: "Debuta da eta bertigoa ematen du; hala ere, lasai noa, galtzeko ezer ez dudan sentsazioarekin"

Jokin Bereziartua Lizarazu 2013ko urr. 24a, 13:41

Zapatuan egingo du debuta Manex Agirre aramaioarrak Euskal Herriko Bertsolari Txapelketa Nagusian. Arabako txapeldun izandakoak aitortu digu txapelketa "zailena" dela, "oso berezia": "Ez dakit nola egongo naizen. Beste dimentsio bat da eta debuta izanik bertigoa ere ematen du. Hala ere, lasai noa, galtzeko ezer ez dudan sentsazioarekin". Oionen izango da saioa, Arroyo I pilotalekuan (17:30), eta Eneritz Zabaleta, Etxahun Lekue, Iratxe Ibarra, Maddi Sarasua eta Miren Amurizarekin batera egingo du bertsotan. Kanporaketetako azken saioa izango da.

Agirrek ez du helburu zehatzik: "Bertsolariondako gailurra da txapelketa nagusia. Nire kasuan debuta da eta beraz, ez dut postu onik egitea espero. Zapatuko saiora begira nago, disfrutatzeko aukera emateko gertu. Parte hartzea bera izan da helburua eta hori bete dugu".

Ikusle kopuruaren gainean ere egin digu berba bertsolari aramaioarrak: "Kanporaketa izanik ere 700 lagunendako lekua du pilotalekuak, Arabako txapelketako finalean beste. Bertsozale asko dago eta kualifikatuak dira gehienak".

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak