Arrasatetik Aramaiorako A-2620 errepidea itxi izanak eragindako kalte-ordainen erreklamazioak direla-eta, Adif erakundea hasi da, pixkanaka, aramaioarren eskaerei erantzuten. Astelehenean herri batzarra egin zuten Sastiñan erantzun horien aurrean zer egin erabakitzeko. Izan ere, herritarrek orain arte jaso dituzten erantzunetan, errepidea itxi zuen lurjausia euriari leporatu dio Adifek: "Orduko meteorologia partea aurkeztu dute eta lurjausia egun haietan egin zuen euriak eragin zuela ondorioztatu. Beraz, eragindako kalteetan erantzukizunik ez dutela diote".
Bide judizialari heltzeko aukera dago, baina bide horri heldu ezkero "kasu gehienetan" gastuak handiagoak izango dira AHTko lanak gidatzen diharduen Espainiako Sustapen Ministerioak eman ahalko dituen kalte-ordainak baino. Orain, Udalak planteatzen duena da beste erreklamazio bat jartzea, "denbora irabazteko". Era berean, hainbat dira kalte-ordainak eskatzeko asmoa izan arren, tramite konplexuak direlako bidean geratu diren herritarrak.
Espainiako banderaren auzia ere hizpide
Espainiako bandera udaletxean jartzeko aginduaren gainean ere egin zuten berba batzarrean. Ikurrinari omenaldia egitea eta herrian bizi diren nazionalitateetako banderak jartzea aurreikusten dute. Hala ere, horiek guztiak zehazteko beste batzar bat egingo dute hilaren 29an, Sastiñan bertan (19:00).
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
