Omenduak izango dira 1918ko uztailaren 4an Eguzkierripan jaiotako Balentin Ibabe eta urte bereko martxoaren 1ean Altzagan jaiotako Maria Angeles Beitia, hain zuzen. Bazkarira joaten ez badira Udaleko ordezkariek aurrerago egingo diote omemanaldi xumea.
Biomasaren gaineko postuak
Azoka izaten da eguneko izarra. Baserriko produktuak, artisau lanak eta animaliak egongo dira aurten ere. Hainbat postu egongo dira, askotariko produktuekin; bertako 39 –animaliendako guneak barne– eta kanpoko 28.
Aurten ere Nardeaga kalea hartuko du azokak, goizetik hasi eta 14:30ak arte. Bihar, egubakoitza, kiroldegi pareko errepidea itxiko dute animaliendako hesiak jartzeko, 17:00etatik aurrera.
Aurten nobedade nagusiak dira artzain txakur txapelketa ez dela egingo eta azokan bi postu berezi jarriko direla, biomasarekin erlazionatutakoak. Batetik, sugar enpresak biomasa bidez funtzionatzen duen galdara jarriko du martxan. Bestetik, Ekosua enpresaren katalogoa ikusteko aukera egongo da.
Egitaraua:
10:30 Herriko trikitilari eta txistularien kalejira.
12:00 Urtean zehar hildako erretiratuen omenezko meza San Martin elizan. Ondoren, Bizente Goikoetxea eta Papargorri abesbatzen saioa.
13:00 Lagunartea dantza taldearen emanaldia.
14:30 Bazkaria kiroldegian.
Oharrak:
Azoka Nardeaga kalean, 14:30ak arte.
Elkarteetan salda eta ogitarteko txikiak erretiratu guztiendako.