Herriko erretiratuendako jaia hilaren 26an

Aurten ere ez du hutsik egingo Aramaioko erretiratuendako jaiak. Hilaren 26an egingo dute aurten eta egitaraua urterokoa izango da: herriko trikitilari eta txistularien kalejira (10:30), urtean zehar hildako erretiratuen aldeko meza nagusia San Martin elizan (12:00), mezaren ostean Bizente Goikoetxea eta Pagargorri abesbatzen saioak, herriko dantzarien emanaldia (13:00) eta bazkaria kiroldegian (14:30). Eta noski, azoka ere egongo da goiz osoan zehar: baserriko produktuak, artisau lanak eta animaliak egongo dira. Ibarrako elkarte gastronomiko guztietan erretiratuek salda eta ogitarteko beroak dastatzeko aukera izango dute.

Udalaz aparte, herri osoa inplikatzen da urtero erretiratuendako jaian dena ondo irten dadin: elkarte gastronomikoak, Lagun Artea Dantza Taldea, Trikitixa Eskola, Papargorri eta Bizente Goikoetxea abesbatzak eta herriko txistulariak. Arabako Diputazioak, Laboral Kutxak eta Kutxabankek ere babesten dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.