Audientzia Nazionalean epaituko dute Muxika urriaren 14an, beste 39 gazterekin batera. Segiko kide izateaz akusatuta, 2008ko azaroan atxilotu zuten lehenengoz. Hiru hilabete egin zituen espetxean eta 10.000 euroko fidantza ordainduta baldintzapean utzi zuten aske. Urtebete beranduago berriro atxilotu zuten eta 20 hilabete espetxean egon eta 20.000 euroko fidantza ordaindu ostean baldintzapean –astero epaile baten aurrean aurkeztu behar da eta ezin da Espainiatik irten– utzi zuten aske berriro: "Libre izateko nahiak eraman ninduen espetxera eta libre izateko nahiak nakar zuregana, babesa, elkartasuna eta konpromisoa eskatzera. Epaiketak gelditzeko unea iritsi da", dio.
Irati Muxikari babesa erakusteko jaialdia egingo dute bihar Aramaioko plazan
2013-10-11 12:00
Duela bi urtetik Aramaion bizi den Irati Muxika (Amezketa, 1985) gazteari babesa erakusteko jaialdia antolatu dute biharko, 'Irati Libre, elkartasunetik konpromisora' lelopean. Herriko talde ezberdinek hartuko dute parte Bizente Goikoetxean egingo diren ekintzetan. 11:00etan hormairudi erraldoia marrazten hasiko dira, eta 12:00etatik aurrera, pintxo potearekin batera, honako ekintzak egongo dira: txalaparta, alboka, bertsolariak, trikitilariak, musika emanaldia eta plazako dantzak.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.