Aramaion ere Maritxu Kajoi?

Maritxu Kajoi Aramaioraino heldu da aurten. Miraria akaso, edo Aramaion ere txikiteroen ama birjinak jarraitzaile asko dituen adierazle. Sastiñako atean agertu da benetako Maritxuren imitazioa, eskapulario eta loraz lagunduta: "Maritxu Kajoik miraria aurreratu al du? Gaur goizean Sastiña ermitako atean bere irudia agertu da lora sorta batekin", jakinarazi digu herritar batek. Eguneko bitxikeria behintzat utzi du Maritxuk honezkero.