Gaur hasi dute ikasturtea Aramaioko San Martin eskolan

Amaitu dira oporrak San Martin eskolarendako, gaur hasi dute-eta 2013-2014 ikasturtea. 144 ikasle eta 19 irakasle izango dira aurten, iazko antzeko kopurua. Eta aurten ere eskola txukuntzeko lanak egin dituzte auzolanean. Lehen solairuko gelak margotu zituzten guraso eta irakasleen artean. Bestalde, zuzendari aldaketa da aurtengo nobedadeetako bat: Nekane Arrondoren lekuan Santi Roman egongo da aurten.

Esandako moduan, orain arte Nekane Arrondok bete duen zuzendari lana Santi Romanek hartuko du. "Kanpora begira arduradun bat aukeratu beharra dago, baina barruan irakasleok maila berean gaude"; horiek izan dira haren lehen hitzak.

Elkarbizitza eta lankidetza

Zuzendari berriak aurtengo erronken gainean ere egin digu berba: "Eskola komunitateko elkarbizitza sendotzea eta  herriarekiko lankidetza bultzatzea dira erronkak. Elkarbizitzaren arloan guztion parte-hartzea beharrezkoa ikusten dugu: ikasle, irakasle, guraso, sukaldari, begirale eta garbitzaileak, besteak beste. Herriari dagokionez, bi norabideetan indartu beharreko harremanak izan behar dira: eskolatik herrira eta herritik eskolara".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.