Ur depositua hustera doanean abisua ematen duen alarmaren berri izan bezain pronto –telefono seinale eskasak langileek alarmaren berri izatea atzeratu zuen– Udaleko langileek "berehala" konpondu zuten arazoa: "Lau ordu inguruko autonomia duten beste depositu bat dugu halako kasuetarako", adierazi du langileetako batek. Langile horrek salatu gura izan duenez, "ordu erdi baino gehiago" behar izan zuen larrialdietarako ibilgailua garajetik ateratzeko, atean gaizki aparkatuta zegoen auto batengatik: "Ez da lehen aldia", dio.
Untzilan ere arazoak
Era berean, Untzila, Suña eta Muru auzoetarako ur sarean matxura bat izan zen. Deposituan haizea sartu eta ur galerak eragin zituen, minutuko 30 litrora heltzeraino. Diputazioaren baimena jaso ostean, astebete eman zuten matxura konpontzen.