Egun-pasa ederra egin zuten domekan Marixekan, Aramaion

Iraileko lehen domekako ohiturari eutsiz, urteroko ospakizuna egin zuten Gurutzeta gainaren ondoan dago Marixeka atseden gunean. Elkarte gastronomikoak antolatzen du festa eta bertako zuzendaritza taldeko Anton Errastik azaldu digu jaiaren jatorria: "Gerra garaian behera etorri zen ermita. 1986an Olaetan erorita zegoen beste ermita bateko harriak hartu eta hemen eraiki genuen. Lekuari Marixeka deitzen diogu baina ermitaren izena Marieka da berez. Ordutik bazkideok iraileko lehen domekan elkartzen gara, urtero".

Urteroko egitarauaz gozatu dute aurten ere: 12:00etan meza, bermut dantza, bazkideendako bazkaria elkartean –50 dira egun– eta, arratsaldean, Gorriti eta bere animaliak. Azken ekintza hori izan zen jendetsuena, haur eta gaztetxoek primeran pasa zuten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.