San Kristobal eguna giro ederrean ospatu zuten Aramaion

Hainbat aramaioarrek San Kristobal eguna ospatu zuten domekan. Uribarri auzoan izan zen, auzotarrek ospakizuna auzolanean prestatu ostean.

Goizean meza eta trikitilariak egon ziren, eta bitartean txosnan edari freskoa eta txorizo zein bertan egindako patata-tortilla pintxoak dastatzeko aukera egon zen. Bazkalostean bolo txapelketa egin zuten, urteroko ohiturari eutsiz. Hiru sari banatu zituzten: urdaiazpikoa, solomoa eta gazta. "Eguraldi ederra egin zuen pagoen azpian egoteko, ederki joan zen eguna", adierazi digute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.