Hiru taldek osatzen dute Papargorri abesbatza gaur egun: 7 eta 10 urte arteko umeak, 11 eta 16 urte arteko gaztetxoak eta 16 urtetik gorakoak. Ikasturtea agurtzeko kontzertuan umeek eta helduek abestu zuten, Eli Izagirre eta Arantza Uriarteren aginduetara, hurrenez hurren. Erdiko taldekoek ez zuten abestu, "azken orduko arazoengatik".
Irailean, buelta entseatzera
Mendialdua pozik dago ikasturteak eman duenarekin: "Orokorrean oso ondo joan da ikasturtea. Egia da saioren baterako jende faltarekin ibili garela baina hutsune horiek datorren ikasturtean betetzea espero dugu". Oporretako geldialdi luzearen ostean, hiru taldeak irailean hasiko dira entseatzen: "Dagoneko lotu dugu kontzerturen bat edo beste irailerako eta urrirako".