Egubakoitzean, arratsaldeko zazpietan, egingo dute eztanda Aramaioko San Martin jaiek. Jaiei hasiera emateko aurten oso pertsona berezia aukera dute Udalak eta jai batzordeak. Eguzki erromeria taldeko Nicolas Gardoki soinu jole nekaezinaz akordatu dira; egindako lana eskertu gura izan diote Gardokiri eta haren iloba diren Joxe eta Felixi. Gardokirekin egon gara asteon, Barajuen auzoan duen 'Gardokiena' etxean, eta ohikoa duen prestutasunarekin hartu gaitu. Gonbidapena sorpresaz hartu duela dio.
50 urte baino gehiago egin ditu herriz herri, auzoz auzo, plazaz plaza: "Inguruan ez dago herririk bertan jo ez dugunik". Beraz, nor hobeto jaiak eta erromeriak azken hamarkadetan noraino aldatu diren galdetzeko: "Orain ez dakit zer gertatzen den. Halako talde ederrak, musika ederra, baina dantza gutxi. Plazan dantzan egiteko ohitura galdu egin da. Tabernetan saltoka aritzen da jendea, zarata baten...", dio irribarretsu.
"Arrimatzeko aukera ederra izaten zen"
Lehen, kalean egiten ziren erromeria eta dantzaldiak ligatzeko baliatzen zuten askok, Barajuengo soinu jolearen arabera: "Arrimatzeko aukera ederra izaten zen eta gero neska etxera laguntzeko ohitura zegoen. Orain ez dago halakorik".
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
