16:00etan egin zuten pregoia eta 6. mailako ikasleak arduratu ziren ongi etorria egiteaz. Ondoren tailerrak egin zituzten: kartoizko karpetak egin, aurpegia margotu, limonada fresko-freskoa prestatu, patioan horma-irudia egin –aurten eskolako hiru horma margotu dituzte–, hankapaloak prestatu eta zirkuituan ibili eta oreka sokaz ibili, besteak beste. Tailerrak egiten ari ziren bitartean bost gurasok patata-tortilla lehiaketa egin zuten eta horren ostean bingo berezia egin zuten, hainbat oparirekin. Gero, urteroko karaokea egin zuten.
Afarian, 100 lagun inguru
Ekintza horiekin guztiekin arratsalde pasa ederra egin ostean, 100 lagun inguru elkartu ziren afaltzeko. Familia bakoitzak etxetik eramandako jakiekin eskolako jangelan bapo afaldu zuten. Edaria –sagar-zukua, sagardoa eta ardoa–, ogia eta kafea guraso elkarteak jarri zuen. Eguna borobiltzeko erromeria izan zuten DJ-Al musika adituarekin.