Udalekuak uztailaren 10etik 23ra izango dira eta aurten 98 umek eman dute izena, iaz baino 17 gutxiagok. 3 eta 12 urte arteko haurrendako udalekuak dira eta bi astetan zehar denetariko ekintzak egingo dituzte, 10:00etatik 13:00etara. Bederatzi begirale arituko dira lanean, guztiak aramaioarrak, eta bihar goizean egingo dute derrigorrezkoa den formazioa saioa.
Saio horretan helburuak, baliabideak eta segurtasun arauak jorratuko dituzte besteak beste. Era berean, aurtengo formazio saioan nobedade aipagarri bat izango da begiraleendako.
Berramesten proiektua
Txatxilipurdiko ordezkari batek Arrasateko ludoteketan martxan jarritako Berramesten proiektua azalduko die begiraleei, umeen autonomia lantzeko. Aldi berean, haurrendako aproposak diren espazioak berreskuratu nahi dira proiektu horrekin.
Ana Muñoa arduradunak iragarri duenez, hilaren 22an beste saio bat egingo dute egitaraua "erabat" zehazteko. Iazko ekintza arrakastatsuenak izan ziren Otxandioko igerilekuetara egindako irteera, Sanferminetako entzierroa, Pablo Beitiaren txanpon bildumaren erakusketa eta gaileta-tailerra.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
