Amaitu da denboraldia Aramaixo areto futbol taldearendako. Joan den domekan, Kopako final laurdenetan, jipoi galanta jaso zuten aramaioarrek (6-0) eta orain oporrak hartuko dituzte datorren denboraldira arte. Andoni Elejalde taldeko koordinatzailea pozik dago urteak eman duenarekin: "Gozatu egin dugu, ez dela gutxi. Taldeak erakutsi du jokatzeko eta hobetzen joateko grina duela eta hori poztekoa da". Taldea badago, gehienak aramaioarrak dira eta datorren urterako egungo taldearen oinarriak bere horretan jarraituko du. Aurten ezin izan dute mailaz igo, denboraldi osoan oso erregularra izan beharra dago horretarako.
Hala ere, maila bat gorago ere taldeak lan ona egingo zuela uste du Elejaldek: "Baina gure antzeko maila duten taldeen aurka huts egin dugu gehienetan. Horren adibide da Kopako azken partiduan 6-0 galdu genuela".
Emaitzak emaitza, datorren urterako taldea egongo dela uste du Elejaldek: "Aramaion taldea mantentzea bakarrik pozteko moduko albistea da".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.