Zuiako Koadrilak eta Otxandioko Udalak ekintzailetasuna sustatzeko programa jarri dute martxan. Helburuak dira eskualdeko pertsona ekintzaileak atzeman eta ezagutzea eta enpresa-proiektu bat martxan jarri gura duten eta bertakoak diren ekintzaileendako aholkularitza zein laguntza zerbitzu bat sortzea. Horretarako sentsibilizazio eta informazio jardunaldiak antolatu dituzte eta atzo Aramaion egon ziren. Aramaion egon aurretik Legution, Otxandion, Zigoitian, Arratzua-Ubarrundian eta Zuian egon ziren eta saioek parte-hartzaile gutxi izan bazuten ere, ideia eta ekarpen interesgarriak izan direla aipatu digute koadrilako ordezkariek. Atzo Urkabustaizen izan zuten lehen faseko azken saioa.
Ekimenak hiru oinarri ditu. Batetik, enpresa bat sortzeko giltzarriak azaltzen ditu. Hau da, proiektu berri bati ekiteko interesa dutenekin informaziorako eta oinarrizko formaziorako tailerra egiten dute. Era berean, proiektuaren bideragarritasunerako aholkularitza zerbitzua ere eskaintzen du egitasmoak. Enpresa, komertzio edo bestelako proiektu txiki bat sortu gura duenari honako argibideak ematen dizkiete, besteak beste: merkatuaren azterketa –bezeroaren analisia, lehiakideena, sektorearena...–, prezio, banaketa eta komunikazio politikak eta inbertsio, finantziazio zein salmenta-planak aholkatzen dituzte.
Azkenik, enpresa martxan jartzeko hainbat gomendio ere ematen dituzte: bide juridiko egokiena, enpresa bat sortu eta martxan jartzeko behar diren izapide eta baldintzak, gai fiskalen gaineko aholkularitza, diru-laguntzak eskatzeko prozedura... Argibide gehiagorako: 945 430 167 (Oihana edo Jon).
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
