Autoak garajera sartzeko eskatu du Udalak, Uema Eguna dela-eta

Biharko Uema Eguna dela-eta, Ramon Ajuria alkateak bandoa atera du aukera dutenei autoa garajean sartzeko eskatuz: "Uema Eguna antolatzen ari den taldeak egun horretarako aparkalekuak aurreikusi ditu auto eta autobus ugari espero direlako. Eta, lana errazteko, Aramaioko herritarrei eskatzen zaizue aukera izanez gero autoak garajean sartzea". Era berean, Santa Ana ermita eta kultur etxera arteko bidean agertoki bat jarriko dute eta beraz, errepide zati hori itxita egongo da astelehen arratsaldera arte.