Euskal Herriko txapelketan parte hartzeko gogoa adierazi duten herri ezberdinetako haurrek taldea osatuko dute datorren asteotan, astelehenetan 18:00etan Gasteizko Amaia zentroan bilduko dira, elkarrenganako konfiantza sakondu eta Orioko finaleko festa egunean egin beharrekoak egoki prestatzeko.
Eguerdian gazteen txanda izan zen, Murgia, Izarra, Legutio, Aramaio, Agurain, Zalduondo, Gasteizko bertso-eskoletatik hurbildutako 40 gaztek bertso poteoa egin zuten herriko kale eta tabernetan.
Bazkari herrikoiarekin jarraitu zuten eguna eta soinu, pandero eta gitarrekin egin zuten bazkalostekoa.
Txapela Aramaiora
Gasteiz, Zalduondo eta Aramaioko kanporaketetan sailkatutako 6 gaztek Eskolarteko txapelketako finalari egin behar izan zioten aurre arratsaldean: Maddalen Arrausi eta Iñaki Tena gasteiztarrak, Sabin Aranburu eta Peru Abarrategi aramaioarrak, Egoitz Iradier zalduondoarra eta Jon Unai Aspe Aguraindarra. Txapela aldiz, Debagoienera etorri da, Peru Abarrategi aramaioarrari esker.
Hone hemen zapatuko Arabako Eskolarteko bertso festako argazki batzuk:
