Egun osorako egitaraua prestatu dute: 12:30ean poteoa animatua egingo dute eta bazkaria 14:30ean hasiko da, Eguzkierripa auzoko Andra Mari ermitan. Txartelak salgai daude dagoeneko Ibarrako tabernetan. Bazkalostean, limitadua berriro ere irabazi beharko dute aramaioarrek otxandiarren aurka, hainbat jokoren bitartez. Eguna borobiltzeko sei taldek kontzertua eskainiko dute: Gorroto, El exterminio de la raza del mono, Dirty Brothers, Bertso Tabern, Rumba Gerrilla eta Izargi izango dira gonbidatuak.
Aramaioko Gazte Asanbladak antolatuta, badator Eguzkierripa Rock bosgarren urtez. Eguraldi txarra dago iragarrita baina orain arteko jendetsuena izango dela espero dute antolatzaileek. Izan ere, 65 bat lagunek eman dute izena Andra Mari ermitan egingo den bazkarirako: "Iaz erdiak-edo elkartu ginen. Eguraldi txarra egiten badu ere moldatuko gara", esan digu Jone Arriolabengoak. Rock kontzertuez aparte, otxandiarren aurkako pikea nabarmendu beharra dago. Iaz Otxandion egin zuten eta orain Aramaion egitea tokatzen da. Joko ezberdinen bitartez erabakiko da norena izango den 'limitadua' urtebetez. Giro ona eta barre algarak bermatuta daude.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak