Arabako eskolartekoaren azken aurreko topaketa ospatu zuten zapatuan Aramaion. Bertan Aramaioko bertso-eskolako haur eta gazteek eta Legutioko bertso-eskoletako gazteek hartu zuten parte. Xabi Igoaren aginduetara aritu ziren bertsotan: "Irudimen, alaitasun eta bertsolari senaren erakustaldi bikaina egin zieten Sastiñan batu ziren adin askotako entzule, lagun eta senitartekoei. Txalo zaparrada beroa jaso zuten, agerian geratu baitzen ikasturte osoan zehar egin duten lan bikaina, eta daukaten bertsotarako gogo eta grina", adierazi dute antolatzaileek.
Txikienen ostean, gazteen txanda izan zen: "Oholtza gaineko bost mutilek saio bizi eta atsegina eskaini zuten, eta eskertzekoa izan zen oholtzan erakutsi zuten plazako jarrera. Publikoak gozatu egin zuen", jakinarazi du Arabako bertsozale elkarteak.
Aranburu eta Abarrategi finalera
Gasteizen sailkatutako Maddalen Arrausi eta Iñaki Tena, eta Zalduondon sailkatutako Egoitz Iradier eta Jon Unai Axperekin batera, Sabin Aranburu eta Peru Abarrategi aramaioarrek kantatuko dute Legutioko Arabako bertso-eskolen egunaren barruan ospatuko den eskolarteko finalean. Ekainaren 1ean jokatuko da.
Finalaren aurretiko azken saioa eguenean
Arabako Mendialdean izango da azken topaketa eguen honetan, 14:30ean hasita. Bertan Ibernalo Ikastola, Maeztuko herri eskola eta Kanpezuko institutuko haur eta gazteek emanaldia eskainiko dute kultur etxean, bertso sorta kolektiboak abestuko dituzte, eta saioan bertan Mendialdeko bertso-eskolako haurren bat-bateko saioa izango dugu.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
