'Plazak bete kartzelak hustutzeko' deia egin du Herrirak biharko

Jokin Bereziartua Lizarazu 2013ko mai. 17a, 10:30

Euskal Herri osoan Herrira mugimenduak egin duen deialdiarekin bat eginez, Aramaioko Herrirak hainbat ekintza antolatu ditu biharko. 'Giza eskubideak. Irtenbidea. Bakea. Euskal presoak Euskal Herrira' aldarrikapenarekin bat egiten duten herritarrak deitu dituzte goiz osorako antolatu dituzten ekintzetan parte har dezaten.

Hasteko, 10:00etan Bizente Goikoetxea plazatik abiatuko den martxa antolatu du Orixol mendizale elkarteak. Arexola aldera joango dira eta Luis Mari Azkargorta Kanto izango dute gogoan bereziki. Azkargortari ezarri dioten 197/2006 doktrina bertan behera geratzeko eskatu eta herrikidea aske uzteko eskatuko dute. 

Argazki erraldoia 13:30ean

Gero, 12:00ak aldera, Iturrieta sagardotegian mokadutxoa egingo dute. Sagardotegian bertan  Kanto-ri edota beste edozein euskal presori gutunak idazteko gonbidapena egingo dute Herrira-koek. Ibarrara bueltatzean kalejiran joango dira pilotalekutik plazara arte. 13:30ean, amaitzeko, argazki erraldoia aterako dute plazan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak