Martxoko deialdiak jende gutxi erakarri zuela ikusita, etzirako bilera berri bat deitu du Udalak: "Azterketako emaitzen errepasoa egingo dugu eta horien arabera herritarrei eskatuko diegu proposamenak egiteko". Ikerketaren ondorioen artean honakoak aipa daitezke: Nardeaga kalean etxe huts asko dagoela, espazio publiko edo plaza berriak egin behar direla, Ibargoian dentsitate handia dagoela eta aparkalekuen arazoari irtenbide bat emateko beharra. Askok gaizki aparkatzeko ohitura izateaz gain, Osteta kaleko aparkalekua eremu pribatuan dagoela gogora ekarri du Udalak eta arazoa sortu aurretik konponbidea eman gura dio auziari.
Auzotarrendako ere bai
Auzo alkateengana ere joko dute: "Auzoetako bizilagunak ere gonbidatuta daude. Ibarrara asko jaisten dira eta eurek ere badute zeresana", dio Solupek.