Orixol mendizale elkartea oso pozik eski irteerarekin

Orixol mendizale elkartearendako arrakasta borobila izan zen joan den asteburuko eski irteera. Formigal, Astun eta Candanchu aldean ibili ziren, giro ederrean: "Sekulako eguraldia egin zuen, oso gustura ibili ginen eta ez zen inor lesionatu", diote. Aramaioarrez gain, Arrasate eta Bergarako jendeak ere egin zuen bat deialdiarekin. Guztira 41 lagun elkartu ziren, iaz baino 13 gehiago. Orain mendi eta sagardotegi irteera antolatzen dihardute.