Euskal Herriko Mus txapelketaren barruan, Arabako finalak jokatuko dira bihar Aramaion. 34 bikote etorriko dira, herri kanporaketetan onenak izan direnak. Hamar bikote baino gehiago izan dituzten herrietan bi bikote sailkatu dira finalerako. Aramaion 11 bikotek hartu zuten parte eta beraz, lau aramaioar izango dira bihar lehiatzen: Mikel Ruiz de Azua eta Aitor Ayastui batetik, eta Juan Luis Nafarrate eta Dani Zaldibar bestetik.
11:00etan hasiko dira finalak; zortzi mahai jarriko dituzte Eki tabernan eta beste zortzi Añain. Arratsalderako zortzi bikote sailkatuko dira eta horiek guztiek Dukiena jatetxean bazkalduko dute, antolakuntzaren kontu. Bazkalostean Ekin jokatuko dira kanporaketa erabakigarriak. Bikote irabazleak, txapela, garaikurra eta Lesakako Atxaspi hotelean egonaldia izango ditu sari. Bigarren eta hirugarren sailkatuek, berriz, otar bana jasoko dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.