Alex Mendikute argazkilariak 2010 eta 2011 artean Aramaion ateratako argazkiak ikusteko aukera egon zen, guztiak zuri-beltzean. Aramaioko paraje ederrez gain, herritarrak protagonista dituen hainbat argazki ere ikusi ahal izan dira eta horrek are erakargarriagoa egin du erakusketa.
2012ko argazkiak, gertu
Aurretik beste hiru edo lau erakusketa antolatu izan ditu Mendikutek, baina oraingoan, lehenengoz, muntaia bat prestatu du. Harrera ona izan dela dio: "Ez nuen horrenbeste jende etorriko zenik espero. Pozik nago harrerarekin. Orokorrean argazkiak gustatu zaizkiela esango nuke. Batzuk esan didate oso politak direla".
Uda partean 2012an ateratako argazkiak erakusteko moduan izango ditu baina oraindik ez du erabaki erakusketarik jarriko duen: "Ikusiko da".