Goizekoan, sei bertsolari izango dira; horien artean, Manex Agirre. Sarritan jotzen dute aramaioarraren atea, iaz arratsaldeko saioan izan zen. Saio bana egingo dute Bulebarreko erlojuan eta Bretxako merkatu parean. Ondoren, Konstituzio plazan, bertsolariez gainera, Haatik konpainiako dantzariak ere arituko dira.
Kursaalen, krisiei bertsoak
Arratsaldeko saioak krisiak izango ditu ardatz; gizakiak bizitzan zehar aurre egin beharreko gora-beheren inguruan bertsotan jarriko dituzte 12 bertsolari. Honakoak, taularen gainean, izango diren bertsolariak: Beñat Gaztelumendi; Etxahun Lekue; Jexux Mari Irazu; Ramuntxo Christy;Jon Maia; Ander Solozabal; Igor Elortza; Maialen Lujanbio; Jone Uria; Andoni Egaña; Eneko Lazkoz eta Uxue Alberdi. Horiez gainera, askotariko artista gonbidatuak ere bai.
Sarrerak eskuragarri
Sarreren salmenta azkar doan arren, eskuragarri daude: www.bertsosarrerak.eu atarian: 18 euro (orokorra); 12 euro (bazkideentzako) eta 8 euro (gazteentzako).