Eguraldiari begira
Arizt Gordo, eguraldi iragarpenen zain egoten da. Hala, toki ona bilatu eta goizean goiz jaikitzen dela azaldu digu: "Aste honetan, Aramaioko Etxaguen aldera joatea erabaki dugu; izan ere, ez dut inoiz argazkirik atera paraje horietatik. Enkoadre asko egin daitezke bertatik; batzuetan Orixol inguruan izan gara, goialdean; beste batzuetan aldiz, behera jaitsi gara, San Kristobalera". "Argazkilaritza lasaia da, toki egokia bilatzean dago gakoa eta eguzkiaren izpi egokiak ateratzean, tripodea eta kamera prest izatea", dio.