Gonbidatu bereziak
Aurten gonbidatu berezia izango dugu: Gose musika taldea. Beraiek zabalduko dituzte kupelak eta lehen txotxa egingo dute Iturrieta sagardotegian. Txalaparta, bertsoak eta trikitixa izango dira sagardotegiko giroa alaitzeko eta goxatzeko. Hala, Arabako Sagardogileek edari goxo eta naturala, gure sagardoa, dastatzera animatu gura ditu herritarrak
Erraz edateko sagardoa
Iturrieta sagardotegiko Juanjo Peciñari aurtengo sagardoa nolakoa den galdetu diogu: "Edateko oso erraza da; publiko orokorrarendako sagardoa da. Suabeagoa, erraza. Gure helburua da sagardo munduan jende asko sartzea eta gerturatzea, publiko guztiarendako sagardoa egitea". 16 urte daramatza Iturrietan eta krisi garaia den arren, euskaldunok sagardo denboraldiari erantzun ona emango diogula esan digu.